Gianni, dopo dîs agns passâts lontan dal Friûl, al torne par viodi di so pari. Di une bande la sô tiere e je simpri la stesse, imutabile tes sôs tradizions, tai tic dai siei stranis abitants; di un altri pont di viste dut al è cambiât.

So pari, salt onest e lavoradôr, al è di pôc che al à pierdût la femine. Al è naturâl che al sedi colât intune depression che plui di cualchi volte e devente mistiche.
Al tente plui voltis di copâsi, ma la sô disperazion forsit e je nome une maniere strambe di domandâ aiût.

Gianni si da trê mês di timp par rimeti in pîts il pari. Di chê strade al cîr un lavôr cualsisedi.

La aziende che lu cjol e je guviernade di un imprenditôr furlan di chei di une volte, che al odee ducj chei che no dimostrin abnegazion e sotanance ai siei comandaments.

Gianni, di chê altre bande, al è il puartevôs di une gjenerazion cressude cul mît de libertât, che no cognòs il sens profont dal sacrifici. Il conflit al sarà inevitabil.

Gianni, tornant a cjase, al viodarà la sô vite leâsi a chê dai personaçs tipics di dutis li realtâts di paîs, ognidun cuntune vite segrete, che dispès e contradîs la aparence.