VÔS GIANNI
Beh, in effetti... forse è proprio così... la felicità non consiste nell’ottenere ciò che si desidera, ma nel desiderare ciò che si ha.
Te gnot stelade de campagne furlane, une machine e je poiade sul ôr de strade, cul motôr in fole. Sul daûr a son tacâts une vore di adesîfs, testemoneance di ducj i viaçs fats: ES, GB, I love Berlin... Parsore a son peadis un grum di valîs, un piçul mobil, une biciclete. Ancje des sentis daûr a saltin fûr une vore di vistîts, libris e robe di ogni sorte, butade a slas. In bande a la machine al è Gianni, imobil, concentrât, suturni. Cualchi metri plui indenant un grant cartel stradâl che al dîs: “BENVIGNÛTS IN FRIÛL” [...] |
Cjase di Gianni – 6:30 A BUINORE
Libero, il pari di Gianni, al è sentât in bande dal jet. Al glot cualchi pirule. Al bêf un tace di aghe. Al respire, malcuiet. Al poie la tace sul comodin, dongje di un blister di pirulis, vueit dal dut. Si poie tal jet e al siere i voi. Si cuiete. Di un pont lontan de cjase al rive il sunsûr di une puarte che si vierç, dal paviment di len che al ciule. Libero al discocole i voi. Di colp, un crac e un veri che al va in mil tocs. Libero, spaurît, al jeve e al tache a lâ sù pes scjalis: “Gianni, sêstu tu!?”. Al rive denant de puarte de cjamare di Gianni. E je sierade. Le vierç, ben planc. Cun grande maravee si rint cont che l'jet al è intat e Gianni nol è. [...]
|
Cjase di Gianni - BUINORE Une svearine radio e tache a sunâ une cjançon rock plene di morbin.
Une sclese di soreli a jentre pal barcon de cjamare.
Gianni al vierç i voi.
Al jeve su dal jet. Si lave la muse. Si fâs la barbe cjantuçant. Al bêf il cafè sodisfat.
Saltant fûr di cjase al passe denant de cjamare di so pari: “Papà jo o voi... si viodìn usgnot!”.
Lis peraulis i murin tal cuel: la sene che si cjate denant dai voi e je une vore signestre: il pari al è distirât sul jet, cui voi sierâts e i braçs in crôs sul pet.
Un plevan al è daûr a benedîlu, cul turibul fumant di incens: “Ego te absolvo...” [...]
|
Glesie dal
paîs
Sagrât de glesie.
Un bueron che ti puarte vie. Tal cîl nui neris e il sunsûr di une saete.
Si svicine un sglavin.
Gianni al jentre di corse te glesie.
Al passe il coridôr de nâf centrâl che a puarte al altâr, dominât di une grande crôs.
Il sunsûr di un ton. Gianni si ferme.
Al cole in zenoglons, vaìnt: “Padre... perdonami perché non so
quello che faccio. Dut ce che o tocji, dut ce che o fâs, al va in fum...
È je colpe me...
o ai fat falî la fabriche,
o ai copât il paron" [...]
|
Gianni e il Paron. Le aghe e il fûc. La spade e la plume. Doi monts, un il contrari di chel altri. Doi mûts dal dut diferents di cjapâ la vite. Si lu capìs des piçulis robis di ogni dì.
A son lis siet mancul dîs di buinore: il Paron al salte fûr de doce spesseant, si fâs la barbe cuntun rasôr eletric di precision, scoltant e comentant il GR regjonâl. Al pare jù un panin cu la mortadele, si fâs il grop de golarine cun mistîr. Gianni, invezit, si lave te vascje leint un libri e scoltant un toc di musiche jazz. Si fâs la barbe ben planc cu la lamete [...] |
Strade dal
paîs - BUINOREGianni al è in machine; al berghele:
“Pezzo di merda!”.
Al alce il volum de autoradio: une gjornaliste e domande:
“Isal stât un colp di gjeni o une decision madressude tal timp?”.
E rispuint la vôs dal Paron: “E jere une idee che o vevi tal cjâf za di un pôc di timp, o spietavi nome il moment just. O savevi che chest gjenar di prodot al sarès lât vie tant che il pan.
In fin dai conts vuê no je une zornade come chês altris.” Gianni al jentre tal parc pes machinis de aziende.
Al mole la machine malementri [...]
|
|
