Alessandro Di Pauli

Nassût tal 1979 a San Denêl (UD), al'è laureât in Filosofie te universitât di Triest.
Al'è ricercjadôr, par el dotorât in “Scienze teatrali” de Universitât autonome di Barcelona (ES), pe realizazion di une tesi di dramaturgje su les plui gnoves series telvisives dai U.S.A.

Al'à colaborât cun compagnies di dance contemporanee (Cadmium Compagnie, Indóminta, Gelabert) come drammaturgo e asistent al proces creatîf (specializât te analisi estetiche e semantiche des gnovis creazions di dance contemporanee).
Al'è autôr di tescj teatrai metûs in sene di diferents compagnies teatrai europeanes (Envision Theater (UK), Cadmium (FR), ServidiScena (I)) e di monologos tetrai che al'â ancje interpretât (Cinque sogni erotici…; Romeo e Giulietta – un viaç te storie de art; Gesti spontanei…).
Al'à fondât il gup di ricercje “Ypnos”, che al unis artists diferents, par rivâ a la creazion di oparis che a analizin les tematiches dal sium (prospetives neurologiches) e dai siums (prospetive oniriche).
Regist di plui oparis teatrai, ienfri les quai (A+B)>C di Carlo Tolazzi, che e à vinciut el premi pe miôr regje al concors nazionâl di teatri amatoriâl di Ponte dele Alpi.

Tommaso Pecile

Nassut a Tisane (Ud) tal 1978, al'è laureât in Inzegnarie eletroniche al Politecnico di Milan.
A tredis aigns al tache a recitâ pe compagnie teatrâl “Sipario!” di Feagne. Ienfri i soi mestris Claudio Mezzelani, Massimo Somaglino, Giuliana Musso, Ferruccio Merisi, Claudia Contin, Aldo Vivoda, Hector Malamud (AR), Daniel Heuline (FR), Jürgen Müller (D).
Dal 1998 al'à colaborât cun l'associazion “Servi di scena” viodint di teatri medievâl e di insegnament tes scuelis.
Al'à partecipât a une vore di colaborazions cun artists e compagnies come La Fura dels Baus (Es), Cadmium Compagnie (FR), Envision Theatre (GB), New Space Ballet Company FVG.

Dal 2002 si è dedicât a la scriture e a la regje. Par el grup teatrâl “Sipario!” tal 2004 al'à diret Volpone di Ben Jonson (tal 2005 mior spetacul tal festival “7x15” di Concordia Sagittaria e al festival “Teatro a tema” di Triest; miôr regje al festival di Romans d'Isonzo). Pe “New Space Ballet Company FVG” tal 2007 al scrîf e al met in sene Don Chisciotte, un sogno (Miôr spetacul al festival nazionâl “Un castello di risate” di Gurisse 2008 e unic spetacul talian invidâ a la rasegne di dance di Sibiu (RO), capitâl europeane de culture 2007).
Tal 2009 al scrîf (a cuatri mans cun Sarah Chiarcos) e al met in sene Prime che a rivin cuatri, tragicomedie pulp in lenghe furlane (miôr regje e alestiment al II festival ATF dal teatri furlan).