Il conflit gjenerazionâl
Une gjenerazion, chê “dal taramot”, che a fuarce di comedons e à compagnât la piçule patrie tal ream dal benstâ.
La gjenerazion dopo, chê dai adolessents eternis, tirâts sù de television, e pâr no visâsi dal privileç che e à ereditât e e cîr alc altri.
Ce? Ancjemò no lu à capît.
Si scuintrin dôs manieris di viodi la vite. Il mît de famee e chel de libertât a convivin, si studiin, si invidiin.
Cuant che si fevelin no si capissin.
Une tierce gjenerazion, chê “de vuere”, ben a planc e je daûr a tirâsi in bande, e e cjale cun nostalgjie un mont masse diferent di chel che e cognosseve. |
|
Il conflit
sociâl
Il rivâ dal benstâ al à dividût ancjemò di plui il nestri popul. I gnûfs siôrs a cirin la felicità tal lusso, intai status symbol, in tal materialisim a ducj i pats.
Di che altre bande cui che siôr nol è deventât, si sint vuardian di une strade plui sincire che e puarte a la felicità. Ma lu fasial par convinzion, o parcè che al scugne?
Ancje in chest câs i vecjos, vuardians de tradizion, a stan a cjalâ lis contradizions de storie, forsit disorientâts, forsit cul cûr ingropât.
Un Friûl, cjanton di une Italie framentade, che al cîr
une identitât che e puarti la pâs tra ce che al è stât
e ce che al sarà.
Ancje ca si pues jessi felici, ma in fin dai conts si reste simpri un pôc furlans.
|
